|
|
Thursday, October 5th, 2006
|
|
|
Muha...au scho länger nütmeh da inne gschribe.
Inzwüsche bini a minere Diplomarbet, aso eigentlich au scho fascht wieder fertig. No ei Wuche und me sind mehr oder weniger fertig mitem Studium.
Denn vom 19. bis 24. November organisieret mir die legendärscht Frackwuche ever! Also wer billig wod trinke (ich bin a de Bar) de söll doch i dere Wuche mal ad ZHW uf Winterthur chli go fire ;)
Ja..ansuschte simmer zGran Canaria uf Diplomreis gsi was au es zimlichs Erlebnis gsi isch. Es isch doch sehr amüsant, vor allem au sZimmer mit de Evi zteile wo am Morge am 5 stockbsoffe sGfühl gha het sie müessi jetzt Wasserfläschene umfülle und s'halbe Zimmer unter Wasser setze.
Ansuschte lauft eigentlich alles in mehr oder weniger greglete Bahne. Natürlich blibtmer wie immer nöd vom einte oder andere Drama verschont. Aber i dem hemer ja langsam Üebig.
Ansuschte möchti ja no mal säge dass die erst Folg vo de 3. LOST Staffle wieder mal de hammer gsi isch. Nur blöd dasmer nie mit öperem cha drüber rede will all nonig mal di 2. fertig gseh hend ;)
Ahja..und:
Die Happy
29.11.06 CH-Zürich - Abart
30.11.06 CH-Luzern - Schüür
01.12.06 CH-Solothurn - Kofmehl
02.12.06 CH-Bern - Gaskessel
Die Happy im Abart. Wie geil isch das denn?
|
|
Wednesday, December 28th, 2005
|
|
|
|
Scho sit öpe 2 Wuche bin ich nervös uf de hütig Tag, will ich i 3 Stund ad Fahrprüefig muen. Natürlich han ich jetzt de ganz Tag no wunderbar Zit, mini Nervosität is unermesslich zschteigere und mir sämtlichi Horrorszenarie detailiert uszmale. Narf! Ahgfange schneie hets jetzt au no. ich wott nöd...lieber gangi no 7 Mönet id fahrschuel..det seit eim wenigschtens immer öper wasmer mues mache ;)
|
|
Friday, November 25th, 2005
|
|
|
Isch mal wieder de Hammer gsi! :D
|
|
Thursday, November 3rd, 2005
|
|
|
Huch..entweder hani da scho zlang nüm posted..oder es het sich grad gröber was tah in sache entries schribe. Bi grad chli überforderet..80% vo dene Sache wo da ahzeigt werdet bruch ich gar nöd :) Vilicht hani aber au nur Halluzinatione wil ich irgendwie usversehe ultra starke Kafi gmacht ha und grad völlig ufere Koffeinwulche schwebe.
Anyway..momentan gits nöd so vil zschribe will mehr oder weniger alles scho da staht und ich nöd alles zweimal schribe mag.
|
|
Sunday, September 25th, 2005
|
|
|
|
Morn gahts ab nach Berlin. Die ehrwürdig Corrsstätte..hehe. Aber dasmal wirdi es bitz me vo de Stadt gseh wie nume de Kurfürstendamm unds Kadewe ;)
|
|
Monday, September 5th, 2005
|
|
|
Hüt hani mini erschte 2 Fahrstunde hinter mich bracht. Ich ha denkt ich chöng da zersch mal locker chli ufem Parkplatz umekurve. Aber scho nach es paar Schaltüebige bini zmizt dur d'Zürcher Innestadt gjagt worde. Ich hami ja schier dur de Sässel gscwitzt und i mim linke Fuess hani morn sicher Muskelkater so verchrampft bini amigs uf de Kupplig gstande. Aber s'Auto isch no ganz und au suscht sind kei anderi Verkehrsteilnehmer gfördet worde.
Was sind das eigentlich für Idiote wo huped, wenn es Fahrschuelauto chli langsam ahfahrt wens grüen wird?
|
|
Sunday, August 28th, 2005
|
|
|
Die Happy Tourdates:
23.11.05 - Bern (CH - Bierhübeli
25.11.05 - Aarau (CH) - Kiff
26.11.05 - Winterthur (CH) - Salzhaus
27.11.05 - Luzern (CH) - ABCMix
Freude Freude!
Das wird en ahstrengende und türe November :D
Aber werum nur immer i dem doofe Kiff wo so im Ghetto us isch, dasmer an Bhf seckle mues zum no de letschti Zug zverwütsche?
|
|
Monday, August 22nd, 2005
|
|
|
Grad vorig bim Staubsuge i de Stube gfunde:
Lut google recherche handlet sichs wahrschinlich um sones Ding: Euscorpius italicus
Ich nime ah, dSimone und de Marcus henden geschter usversehe vom Tessin mit hei bracht. Hoffentlich lebt dem sini Familie nöd au irgendwo bi ois i de Wohnig..;)
|
|
Tuesday, August 9th, 2005
|
|
|
|
Me söt ame Zischtigabig eifach nöd sonen schönetrurige Film luege..
|
|
|
Sit mich d'Christa letscht Wuche miteme Stapel Büecher hei gschickt het, hani endlich wieder mal ahfange lese. Währendem Semester chumi eigentlich gar nie dezue und weni mal Lust het zum lese den scheiterets a de mangelhafte Büecheruswahl i mim Gstell.
Aber ebe..jetzt i de Ferie hanis mal wieder in Ahgriff gnoh und inzwüsche 3 Büecher glese. Das isch glaub würklich scho länger nüm vorcho ;)
Tja ansuschte di letschte paar Täg vil unterwegs gsi. Am Fritig mit de Simone an Chatzesee gstramplet, me hend ois natürlich grad s'steilschte Stuck müese ussuche zum de Hönggerberg züberquere. Aber irgendwie hemers den doch no gschafft und es het sich glohnt. Mega schöni badi wo erscht no gratis isch.
Am nöchschte Tag hend de ![[info]](http://l-stat.livejournal.com/img/userinfo.gif) schwendi und ich zersch mal schwedische Öpfelchueche bache und sind nacheme churze Zwüschestopp in Bade uf Herzogebuchsee zu de manschae düsed, womer zersch mal grillt und Dessert gässe hend. Mit vollem Buch ischs de witer gange ad Houzschnitzu Party womer sich prächtig über Playboybunnyshirtsträgendi Lüt het chöne amüsiere wo zu jedem Lied e super Tanzihlag bote hend. Volgende Dialog ischmer au no blibe:
zwei wiblichi Persone, ich nennes jetzt mal Person A und Person B.
Person A: Hey du hesch mega abgnoh!
Person B: Was..sicher nöd...
Person A: Moll! Sicher 10 bis 20 Kg!
Person B: Nei spinnsch!
Person A: hm..Demfal ischs di noi Frisur.
Aso zu dem Coiffeur möcht ich bitte au gah, womer nacher 10 kg liechter usgseht :)
geschter abig ischs den grad witer gange mit grille bim Dimi diheime. So quasi als Abschiedsgrillete wiler hüt uf Griecheland abgfloge isch. Jetzt hanis glaub für es Zitli gseh mit Bratwurst und grilliere im Allgemeine ;)
|
|
Wednesday, August 3rd, 2005
|
|
|
Hüt han ich doch öpis sagehafts gschafft. Ich ha endlich min Lehrfahruswis beatreit! Es wird mich in finanzielle Ruin tribe...nur scho de dumm Stempfel vom Chreisbüro choschtet 15.-..ich mein hallo? nur wil eine sin Arm lupfe und en Stempfel uf es Papier mache mues. De Lernfahruswis chunt uf öpe 100.-....VK ca 240.-...den jedi Fahrstund 80.-..brr! Mis Sparkonto wird lide!
Geschter no mit de Christa i de Wüesti gsi go was trinke und nacheme churze Spatziergang durs Dörfli doch no bim Letzi verbi cho. Sie hend aber leider nöd ufgmacht, was au nöd verwunderlich gsi isch bi dere Masse vo Konzerttourischte wo verzwifled versuecht hend irgend was vo usse zgseh. Und wieso zahltmer eigentlich 90.- für es Ticket zum öpe e Halbstund vor Endi scho zgah? Und wieso gahtmer als Stadtzürcher mitem Auto anes Konzert im Letzi?
Frage über Frage..
|
|
|
So hüt isch min ganz offizielle erschte Ferietag. Isch aber au langsam nötig gsi, nachdemi vor luter Stress scho chrank worde bin und 3 Täg lang nütmeh ha chöne ässe. Voll de Horror ;) Aber alli Ahstrengig het sich glohnt, ich ha min 5er i de Physik und somit min 3er vo letscht Semester kompensiert. dh kei Nahprüefig sondern eifach 3 Mönet lang FERIE!
Mal luege was de hütig Tag so bringt..muen glaub mal de Christa ahlüte..vilicht gits hüt wieder sone einzigartigi "mi fülled jetzt eifach kaffi ine thermoskanne, laufed bi strömendem Räge zum Letzi füre zum s'Konzert vo usse lose und chönd den no di ganz letscht halb stund luege will dTor scho offe sind und me eifach inelatsche cha"-Aktion. Nur mitem unterschied dases hüt nöd regnet...hoffentlich.
|
|
|
Dank zahlricher Unterstützig ischs jetzt tatsächlich gschafft...win your dream
De eint us oisre Parallelklass het e Semsterendparty im Wert vo 40000 Stutz gwune!..mal luege was da so alles ufd bei gstellt wird :)
|
|
Thursday, June 30th, 2005
|
|
|
so...back to reality. Greenfield isch geil gsi...de Sturm am Fritig het nöd grad müese si. Das Queens of the Stone age und nine inch nails nöd hend chöne uftrete isch bitz scheisse gso. Zwei vo oisne zelt sind zudem 5cm unter wasser gstande, inkl Natel, Schlafsack, Chleider und Esse. Zum Glück het mis einigermasse ghebet. Het aber scho recht übel usgseh wo den all ihri Pavillon gsuecht hend wos weggwindet het und überall nassi chleider ufghänkt worde sind. Guckst du hier. Bevor de Sturm cho isch hend die es Pavillon gha *g*
Samschtig hets au no mehrheitlich gregnet, defür ischs den am Sonntig öpe 34 Grad gsi. Het ois aber nöd devo abghalte, zu Flogging Molly umezhüpfe..isch mit abstand di geilscht Band gsi. Ire rocked halt! :)
|
|
|
Natürlich hani wieder mal vill zvill Zit berechnet und jetzt hani wie immer nix ztue und mues warte bisi cha gah. Macht mi nur no nervöser.
Jetzt zersch no 4h Ruprecht und den direkt nach Interlake as Greeeeeeeeeenfieeeld!
Hoffe han alles packt, mi vergessed nüt bim ichaufe und mir erlidet ken Hitzekollaps bi de ahgseite 32 grad.
|
|
|
Hüt abig ZHW Party
Ich stah zwar weder uf Breakbeatz no uf HipHop oder House...aber wend di eignig Schuel e Party schmeist muemer scho debi si. Immerhin tritt dasjahr nöd de Mark Sway uf.
|
|
Wednesday, June 1st, 2005
|
|
|
|
Sich unter de Wuche mit 3 Fläsche Rotwii zbesufe isch definitiv e schlechti idee...aber mit 3 fläsche Rotwii intus Urlaubsfotene ahzluege isch definitiv e gueti und durchus luschtigi idee.
|
| Time: | 10:05 am. |
| Mood: |  bitchy. |
|
Es wird fängs jede Tag schlimmer mit de Motivation a die schuel zgah. Vor allem wemer schlechti Prüefigsresultat zrugg erwartet. Drum hock ich jetzt da au im PC Rum anstatt i de Stochastik. Schlimm gnueg dasi nachene no id Physik mues.
Am Samschtig bini mitem Adrian zBasel gsi go shoppe (es lebe das GA). No bevormer überhaupt zum Bahnhof uss gsi sind, hemmer scho s'erschte ihkauft gha. Nachem Picknick am Rhii simmer den wieder hei, go griliere..quasi vom esse in Basel zum esse in Züri.
Aber defür simmer ja den am Suntig an Slowup uf Schaffhuse. 35km skatet und das bi dere Hitz. Ahstrengend aber schön gsi.
Tjo ansuschte nöd vil zbrichte, immer chli was ztue für d'Schuel..Arbete, Prüefige, Vorträg. Hauptsach me het ke Freizit.
|
|
|
|
Am Sunntig isch SlowUp in Schaffhuse. Guggst du hier
|
|
|
bouncy.
nervous.
melancholy.
bored.